Tiauchhak lamah chuan Keimi te chuan an hnam zalenna turin theihtawp chhuahin an bei a. Chutihrual chuan Falam Lal, Chawnbika chuan Keimi te zawng zawng suat turin theihtawp a lo chhuah ve mek bawk a . Keimi te hruaitu ber Ralngama chuan an hnam tan Chawnbika Pasaltha te chu a hmawchhawn a lo tul ta a ni. A hmelma te a beihna kawngah Ralngam hian a nupui, nu leh pa te a chan a. A fapa Lianhranga pawh a him zawk nan Tiau thlang lamah a thukruk a lo tul ta a ni.
Hun engemaw chen a vei hnuah Tiau thlang lamah pawh Saichhuma chuan Zosangkhua te chu runin, an khua a hal sak a. Khaw mipui insaseng hman lo te chu salah an hruai bawk. Hetihai hian a fapa Thangsira pawh a pa ang mai a khawngaihna leh zahngaihna nei lo, an sal man te pawh hnawk sak ni a a hriat chuan that hmak hmak thin mihring a ni. A nunrawnna leh suahsualna hi Zosang khaw mipui te chuan an tuar hle a ni.
Hetih lai hian Bualtlang Lalfanu Thanghniangi pawh a keimi nihna phuar ni mahse hmelma te hmachhawn dan a zir a tul a. A keimi nihna nei let turin theihtawp a chhuah a tul bawk nen.
Tiau chhak lamah Keimi ten an hnam zalen na turin an beih a ngai a. Chutih rualin Tiau thlang lamah Saichhuma lak atangin Zosang khaw mipui, sala an hruai te pawh chhanchhuah an ngai dawn bawk a ni.
